Өзгөн районунда төрт жаңы социалдык объекттин ачылыш аземи болуп өттү. Иш-чарага Кыргыз Республикасынын Президенти Садыр Жапаров онлайн режимде катышты.

Ачылыш аземинин алкагында Төрт-Көл айыл аймагындагы Орозов атындагы мектеп, Мырза-Аке айыл аймагындагы Нурбаев атындагы мектеп, Салам-Алик айыл аймагындагы Турдуев атындагы мектеп жана Жазы айыл аймагындагы жаңы спорт зал пайдаланууга берилди.

Жаңы объектилер заманбап талаптарга ылайык курулуп, керектүү эмеректер жана акыркы үлгүдөгү жабдуулар менен камсыздалды. Окуучулар үчүн сапаттуу билим алууга, ал эми жаштар үчүн спорт менен машыгууга ыңгайлуу шарттар түзүлдү.

Бул объектилердин ишке берилиши райондун билим берүү жана спорт тармагындагы инфраструктурасын жакшыртууга, ошондой эле балдар менен жаштардын өнүгүүсүнө кеңири мүмкүнчүлүктөрдү түзүүгө өбөлгө болот.