Өзгөн районунун Салам-Алик, Кара-Шоро жана Мырза-Аке айыл аймактарында жергиликтүү тургундардын катышуусунда элдик жыйындар өткөрүлөт.

Жыйындарга Өзгөн райондук мамлекеттик администрациясынын башчысы-аким Каныбек Апбасов, укук коргоо органдарынын жетекчилери, тиешелүү мамлекеттик мекемелердин жана уюмдардын өкүлдөрү катышат.

Жолугушуулардын жүрүшүндө 2025-жылы аткарылган иштер тууралуу маалымат берилип, айыл аймактарындагы көйгөйлүү маселелер жана өнүктүрүү боюнча сунуштар талкууланат.

Жыйындарда төмөнкү маселелерди кароо пландалууда:

1. Жолдордун абалын жакшыртуу жана оңдоо;
2. Калкты таза суу менен камсыз кылуу;
3. Жайыт тартыштыгын чечүү;
4. Электр мамыларын жана трансформаторлорду жаңылоо;
5. Таштанды таштоочу жайларды уюштуруу;
6. Турак жай куруу үчүн жер тилкелерин бөлүп берүү;
7. Маданият үйлөрүн оңдоо;
8. Балдар бакчаларын ачуу;
9. Айыл аймактарын өнүктүрүү боюнча башка сунуштар жана кайрылуулар.

Жергиликтүү тургундар жыйындарга активдүү катышып, өздөрүнүн көйгөйлөрүн, сунуш-пикирлерин жана кайрылууларын түз билдире алышат.

Көтөрүлгөн маселелер тиешелүү кызматтардын катышуусунда каралып, аларды чечүү боюнча жооптуу жетекчилерге тапшырмалар берилет.

Өткөрүлүүчү жерлер: Салам-Алик, Кара-Шоро жана Мырза-Аке айыл аймактары
Катышуучулар: жергиликтүү тургундар, райондук жетекчилик, укук коргоо органдарынын жана тиешелүү мекемелердин өкүлдөрү